Harri Fernandez v2.0
La experiencia .NET/.NET esperientzia

Gaur goizean (maiatzak 1) Diario Vasco egunkaria erosi dudanean, ia ia dirua itzultzeko eskatu diot dendariari. Hotz gelditu naiz azala ikusi dudanean. Ez dakit zertan pentsatzen ari ziren, DVkoak baina azalean jarri duten argazkia (nik erreproduzituko ez dudana) ez zait batere egokia iruditzen. Ikusi dudanak Noticias de Gipuzkoak lehengo urtean egindako zerbait ekarri dit burura (ikus Iñaki Landaren blogean) eta baita Deiak orain dela ez asko egindako zerbait ere (ikus Urtzi jauregibeitiaren blogean).

Atzo, Holandan Erreginaren Eguna ospatzen zen. Eta urtero bezala desfile eta ekitaldi analogoak izan zituzten. Baina iluntasunak bildu zuen ekitaldia. Kotxe beltz batek errege-familia holandarraren kontra atentatu nahi izan zuen. Ez zuen lortu, baina bidean 5 hildako eta 12 zauritu utzi zituen.

Bada, Diario Vascori ez zaio ezer hobea otu, zaurituen argazkiarekin egunkariko azala apaintzea baino. Kotxea triskaturik eta kolpatuak lurrera erortzen, hori da argazkia.

Baina ez dira hor gelditzen. Egunkariaren bertsio digitalera sartzen baldin bazerate gauza okertzen doa. Aipatutako argazkiaz gainera beste hainbat ere ageri dira: gidatzailea kotxe barruan odoletan blai (gutxienez zuri-beltzean jarri dute) eta kolpatutako emakume bat lurrean etzanda polizia-agenteek zaintzen duten bitartean.

Online dagoen berriak iruzkinak jaso ditzake eta hona hemen lehena:

“No se deberian de poner estas imagenes, aunque sea por respeto a las familias de los fallecidos y heridos. Que horror“. Amaia. 01/May/2009 | 11:22:39

Irakurle honek arrazoi guztia daukala iruditzen zait. Errespetu falta bat da, baina ez bakarrik hildako eta zaurituen senideekiko, egunkaria erosten dugunentzako ere. Jakin nahiko nuke zenbati gosaltzeko gogoa joan zaien hau ikustean.

Vocento taldeko beste egunkariak ere begiratu ditut eta El Correo Españolek, adibidez, argazki berdina dakar azalean.

Eta nire galdera da, non gelditzen da etika? Egungo gizartean eta komunikazioaren munduan, dirudienez, maxima bat da morboak saldu egiten duela. Unibertsitatean beti gaude maxima hori diskutitzen. Eta hona ekarri nahi ditut han debateetan planteatzen ditugun galderak: non dago ongi dagoenaren limitea? Non etika? Denak balio du?

Nire ustez, Diario Vascori eta El Correori kazetaritza-etikarako kurtso bat eman behar zaie, edo unibertsitatera itzuli arazi gutxienez.

Artikulu hau argitaratu da on Viernes, mayo 1st, 2009 at 12:14 and is filed under Comunicación / Komunikazioa. Artikuluaren iruzkinak honen bitartez jarraitu ditzakezu: RSS 2.0. Zuk iruzkin bat utzi dezakezu, eta baita ere zure webguneko trackback-a.